“Huawei” компани 50 ваттын хурдан цэнэглэгчтэй “Mate 40 Pro” ухаалаг гар утсаа танилцууллаа. Энэ нь таван нанометрийн “Kirin 9000” чип ашигласан анхны гар утас бөгөөд 6.76 инчийн нумарсан дэлгэцтэй юм байна.

“Google”-ийн программ хангамжийг бүрэн ашиглаж чадахгүй байгаагаас танилцуулгын үеэр төхөөрөмжийн техник хангамжийг илүүтэй онцолжээ. “Mate 40”, “Mate 40 Pro” загварт ашигласан “Kirin” процессор нь “Apple”-ийн “A14” чипийн дараа орох үзүүлэлттэй. Шинэ загвар нь баярын худалдаагаар “iPhone 12” гар утастай борлуулалтаараа өрсөлдөнө гэж үзэж байна. “Mate 40” загварыг 899 евро, “Mate 40 Pro” загварыг 1.199 евро, “Mate 40 Pro Plus” загварыг 1.399 еврогоор зах зээлд худалдах юм байна.

Ж.Зоригт

Холбоо барих: zorigt.j@bloombergtvmongolia.com

minjma.g@bloombergtvmongolia.com