Лондоны “Heathrow” нисэх буудлын хэрэгжүүлж буй дөрвөн тэрбум ам.долларын өртөгтэй шинэ барилгын төсөл дуусах тун дөхжээ. Барилгын ажил дуусснаар нисэх буудлын үйлчилгээний стандарт сайжирч, өрсөлдөх чадвар нь нэмэгдэнэ гэж ажиглагчид үзсэн байна. Сүүлийн 60 гаруй жилийн турш хүчин чадлаа нэмэгдүүлэх талаар ямар нэгэн дорвитой арга хэмжээ аваагүй “Heathrow” нисэх буудал жилдээ 70 сая зорчигч хүлээн авдаг гэсэн тооцоо гарчээ. Харин “Терминал-2” хэмээн нэрлэсэн нисэх буудлын шинэ хэсэг нь жилд 20 сая зорчигч хүлээн авах хүчин чадалтай байх юм.

Дашрамд сонирхуулахад, “Heathrow” нисэх буудлын өрсөлдөгч гэгддэг Мадридын "Бараха", Барселоны "Эль Прат" болон Парисын "Чарльс Де Гол"-ын нэрэмжит нисэх буудлууд сүүлийн 10 жилийн хугацаанд хүчин чадлаа маш хурдацтайгаар нэмэгдүүлж, шинэ терминалуудаа ашиглалтад оруулсан байна.