Нью-Йоркт төвтэй АНУ-ын хөрөнгө оруулалтын “Goldman Sachs” банк санхүүгийн аппликэйшн хөгжүүлэгч “Clarity Money”-ийг худалдан авч, хэлцлийг эцэслэсэн гэдгээ мэдэгдлээ. Ингэснээр тус аппликэйшний сая гаруй хэрэглэгч “Goldman Sachs”-ийн “Marcus” банканд нэгдэхээр болж байна. “Clarity Money” аппликэйшн нь хэрэглэгчдийг зарцуулалтаа хянахад дэмжлэг үзүүлдэг юм байна. Гуравдугаар сард гарсан мэдээллээр “Goldman Sachs” банк “Clarity Money”-ийг 100 сая ам.доллараар худалдан авна гэдгээ зарлаж байсан юм.

ADVENT INTERNATIONAL: ”SANOFI”-ИЙН “ZENTIVA”-Г АВАХААР ХЭЛЭЛЦЭЖ БАЙНА

“Advent International” үнэт цаасны компани Францын эм үйлдвэрлэгч “Sanofi”-ийн салбар нэгжийг хоёр тэрбум еврогоор худалдан авахад ойрхон байгаа талаар эх сурвалж мэдээллээ. “Sanofi”-ийн ТУЗ-ийн гишүүд хэлцлийн саналыг даваа гарагт хэлэлцэж, шийдвэрээ ойрын хугацаанд танилцуулах товтой байна. Чех улсад төвтэй “Zentiva” компани эм, эм зүйн бүтээгдэхүүн үйлдвэрлэдэг бөгөөд “Advent International” болон “BC Partners” компаниуд “Zentiva”-ийг худалдаж авахаар өрсөлдөж байгаа аж. “Sanofi” энэхүү салбар нэгжээ 2009 онд худалдан авч байжээ.

Б.Ариунболд

Холбоо барих: ariunbold.b@bloombergtvmongolia.com

minjma.g@bloombergtvmongolia.com