“General Electric” компани шинэхэн байгуулагдсан интернэт, цахим технологийн бизнес нэгжээ өргөтгөхөөр ирээдүйтэй жижиг компаниудыг худалдаж авах төлөвлөгөөтэй байна. Тус компанийн санхүү хариуцсан захирлын мэдэгдсэнээр ирэх 2-3 жилд 10 тэрбум ам.долларын худалдан авалт хийх ба шаардлагатай тохиолдолд хөрөнгө оруулалтын хэмжээг нэмж болзошгүй байгаа ажээ. Энэхүү шийдвэр нь гол худалдан авагчид болох Агаарын тээврийн компани, эмнэлэг, төмөр замын компаниуд интернэтэд холбогдсон төхөөрөмжийг илүүд үзэх болсонтой холбоотой гэж шинжээчид дүгнэсэн юм. “General Electric”-ийн урьдчилсан таамгаар энэ онд цахим технологийн бизнесийн нэгжийн орлого нь зургаан тэрбум ам.доллараас давах төлөвтэй байгаагаас гадна 2020 он гэхэд дэлхийд тэргүүлэгч 10 програм хангамж үйлдвэрлэгчийн жагсаалтад бичигдэх зорилт тавьсан байна.

Б.Дашням

Холбоо барих: dashnyam.b@bloombergtvmongolia.com

minjma.g@bloombergtvmongolia.com