“Ford Motor”-ийн хувьцааны ханш сүүлийн 8 сарын дээд түвшинд дөхлөө
“Ford Motor” компанийн хувьцааны ханш сүүлийн найман сарын дээд түвшинд ойртлоо. Энэ нь компанийн удирдлага солигдож байгаа болон шинэ загварын автомашинуудынх нь борлуулалт өндөр байна гэх эерэг хүлээлттэй холбоотой аж.
Зах зээлийн шинжээч Майкл П.Уард тус компанийн хувьцааны үнэлгээг ахиулж “хадгалах”-аас “худалдан авах” болгосны дараа хувьцааны ханш нэмэгдэж эхэлжээ. Тэрбээр дүгнэлтээ гаргахдаа шинэ Гүйцэтгэх захиралд хөрөнгө оруулагч нар өмнөх удирдлагаас хол илүү найдлага тавьж байгаа гэж бичсэн байна. Мөн тус компанийн гол орлого бүрдүүлэгч “F150” загварын шинэчилсэн хувилбар, “Bronco”-ийн шинэ загварыг танилцуулахтай давхцаж байгаа нь ашиг өсөхөд дэмжлэг болно гэжээ.
Б.Төгсбилиг
Холбоо барих: tugsbilig.b@bloombergtvmongolia.com
uyanga.m@bloombergtvmongolia.com