Дэлхийн хэмжээнд зэсийн олборлолт 2021-2029 оны хооронд жилд дунджаар 3.7 хувиар өсөх төлөвтэй байгааг “Fitch Solutions” тооцооллоо. Энэ оны хувьд зэсийн нийлүүлэлт жилийн дүнгээр 6.9 хувиар өснө гэж салбарын шинжээчид үзэж байгаа аж.

“COVID-19”-ийн улмаас улс орнууд хөл хорио тогтоосон ч зэсийн нийлүүлэлт хэвийн байсан юм. Мөн энэ хугацаанд шинээр олон төсөл хэрэгжиж эхэлснээр олборлолтын хэмжээ нэмэгдээд байна. Тухайлбал: Чили дэх “BHP”-ийн “Spence Growth Option” төсөл 2020 оны 12 дугаар сараас 2021 оны гуравдугаар сарын хооронд олборлолтоо эхлүүлэхээр байна. Тус уурхай хэвийн үйл ажиллагаанд орсноор жилд 185 мянган тонн зэс олборлох төлөвтэй байгаа юм. Энэ болон бусад төслүүд яригдаж буй тул “Fitch Solutions” зэсийн олборлолтын төлөвөө нэмж, 2022 онд дөрвөн хувиар, 2023 онд 2.9 хувиар өснө гэж таамаглаж байна.

Харин БНХАУ-ын хувьд 2021-2029 оны хооронд зэсийн олборлолт нь жилд дунджаар 1.5 хувиар өсөхөөр байгаа аж. Тус улсын зэсийн олборлолт сүүлийн 10 жилийн хугацаанд жилд дунджаар 4.6 хувиар нэмэгдсэн байна. Шинжээчид олборлолтын гарц буурч байгаа нь жижиг хэмжээний уурхайнуудыг хаасантай холбоотой гэж үзжээ.

С.Өнөрсайхан

Холбоо барих: unursaikhan.s@bloombergtvmongolia.com

minjma.g@bloombergtvmongolia.com