“Facebook”-ийн IV улирлын орлого 28.1 тэрбум ам.доллар болсныг тус компани мэдэгдлээ. Өөрөөр хэлбэл IV улиралд борлуулалт нь 33 хувиар өссөн байна.

Цар тахлын үед цахим худалдаа нэмэгдсэнээр олон нийтийн сүлжээн дэх зар сурталчилгааны орлого нэмэгдсэн нь борлуулалт өсөхөд голлон нөлөөлжээ. Харин 2021 оны хоёрдугаар хагаст цар тахлын нөхцөл байдал намжсанаар энэхүү өсөлтөө хадгалахад хүндрэлтэй болно гэж тус компани мэдэгдлээ.

Дээрх мэдэгдлийн дараа “Facebook”-ийн хувьцааны ханш Нью-Йоркийн Хөрөнгийн биржид 3.5 хувиар унаж, 272.14 ам.доллар болоод байна. 2020 онд тус компанийн хувьцааны ханш 26 хувиар өссөн юм.

Ж.Зоригт

Холбоо барих: zorigt.j@bloombergtvmongolia.com

minjma.g@bloombergtvmongolia.com