БНХАУ-ын Засгийн газар газрын тос болон байгалийн хийн салбарт тэргүүлэгч “China National Petroleum” болон “Sinopec” компанийг байгаль орчинд сөргөөр нөлөөлж байна гэж үзэн хар жагсаалтад оруулаад байснаа цуцаллаа. Найман сарын турш үргэлжилсэн энэхүү хоригийн эцэст БНХАУ-ын Байгаль хамгааллын яамнаас “China National Petroleum” болон “Sinopec” компанид нефть химийн болон боловсруулах үйлдвэрийн шинэ төслүүдийг хэрэгжүүлэх зөвшөөрлийг олгож эхэлсэн байна. Эдгээр компанийн 2012 онд явуулсан үйл ажиллагаа нь байгаль орчинд хор хохирол учруулсан гэсэн шалтгаанаар 2013 оны есдүгээр сараас хойш шинэ төсөл хэрэгжүүлэхийг нь хориглоод байсан юм. “China National Petroleum”-ийн тэргүүн Жоу Жипин өнгөрсөн сард байгалийн хийн хайгуул болон олборлолтын ажилд хөрөнгө оруулалтын зардлынхаа дийлэнх хэсгийг зориулна гэж мэдэгдсэн байна. Мөн шинэ үйлдвэрүүдэд хөрөнгө оруулах тал дээр болгоомжтой хандана гэдгээ онцолжээ. 

Т.Элиса

Холбоо барих: elisa.t@bloombergtvmongolia.com 

minjma.g@bloombergtvmongolia.com