АНУ-ын Ерөнхийлөгч Дональд Трамп автомашины импортын татварыг нэмнэ гэж ярьж байгаа энэ үед “BMW” компани АНУ-д хөдөлгүүрийн болон дамжуулагчийн үйлдвэр барихаар төлөвлөж байгаа юм байна.

"Борлуулалтын гол зах зээлдээ үйлдвэрлэлээ ч мөн эрчимжүүлнэ гэсэн маш тодорхой стратегийг бид барьж байгаа" хэмээн тус компанийн Гүйцэтгэх захирал Харальд Кругер мэдэгдсэн байна. Мөн чөлөөт худалдааны зарчимд суурилсан бизнес моделио хадгалж үлдэнэ гэдгээ тэрбээр онцолсон юм. “BMW”-ийн хамгийн том үйлдвэр АНУ-ын Өмнөд Каролина мужийн Спартанбург хотод байдаг бөгөөд тус үйлдвэрт 10 мянга орчим хүн ажилладаг байна. “BMW” компани энэ долоо хоногт эхлэх Лос-Анжелесийн авто шоунд тус компанийн хувьд хамгийн томд тооцогдох SUV загварын автомашин болох “Х7”-ийг, мөн “Х5” “Crossover”-ийн шинэчилсэн загварыг танилцуулахаар бэлджээ. “BMW”-ийн хувьцааны ханш он гарснаас хойш 15 хувиар унаад байна.

М.Золбоо

Холбоо барих: zolboo.m@bloombergtvmongolia.com

minjma.g@bloombergtvmongolia.com