АНУ БНХАУ-ыг валютын зах зээлд манипуляци хийгээгүй гэсэн дүгнэлт гаргаж магадгүй байна. Эх сурвалжийн мэдээлэлд, АНУ БНХАУ-ыг валютын зах зээлд манипуляци хийснийг нотлох баримт олоогүй гэж онцолжээ.

АНУ-ын Сангийн яам ирэх 7 хоногт гадаад валютуудад хийсэн судалгааны тайлангаа танилцуулна. Хэрэв тус улсын Сангийн сайд Стивен Мнучин эх сурвалжийн мэдээлж байгаа шиг дүгнэлт хийвэл худалдааны маргаан даамжрах эрсдэлээс хамгаалах төдийгүй хөгжиж буй орнуудын хөрөнгийн зах зээлд үүссэн цочролыг арилгах нөлөөтэй гэж шинжээчид хэлж байгаа. Одоогоор Стивин Мнучин ямар нэг тайлбар өгөхөөс татгалзсан. БНХАУ-ыг валютын захад нөлөөлсөн гэж зарлуулахын тулд АНУ-ын Ерөнхийлөгч Дональд Трамп Стивен Мнучинд шахалт үзүүлж ирснийг ажиглагчид онцолж байгаа. Хэдий ийм төрлийн мэдэгдэл ямар нэг хориг арга хэмжээ авахад хүргэхгүй ч хоёр улсын худалдааны асуудлыг даамжруулах эрсдэлтэйг шинжээчид хэлж байгаа. АНУ-ын Сангийн сайд VII сараас хойш юанийн ханшийн тасралтгүй унаж байгааг ажиглаж байгаа гэдгээ мэдэгдсэн. Юанийн ханш сүүлийн хагас жилийн хугацаанд ам.долларын эсрэг 9 хувиар сулраад байгаа. Тиймээс БНХАУ экспортын өрсөлдөх чадвараа нэмэгдүүлэхийн тулд валютын ханшаа санаатайгаар унагаж байна гэсэн таамаг нэмэгдээд байгаа юм.

Н.Номин-Эрдэнэ

Холбоо барих: nominerdene.n@bloombergtvmongolia.com

uyanga.m@bloombergtvmongolia.com