БНХАУ автомашины импортын 25 хувийн татвараа бууруулахаар төлөвлөж байгаа нь АНУ-тай худалдааны маргаан хурцдахаас сэргийлэх алхам гэж шинжээчид үзэж байна. Үүнээс өмнө БНХАУ-ын эрх баригчид АНУ-ын металлын тарифын шийдвэрийн хариуд 25 хувийн татвар ногдуулахаа мэдэгдээд байсан юм. Энэ нь “BMW”, “Mercedes”-ийн долоон тэрбум еврогийн борлуулалтад эрсдэл учруулж магадгүй гэж ажиглагчид харж байна. Ийнхүү АНУ-аас импортолсон суудлын автомашины импортод хариу татвар ногдуулах нь “Ford”-ийн “Lincoln” загварын автомашины БНХАУ дахь үйлдвэрлэлийг эрчимжүүлж магадгүй байна. Үүгээр ч зогсохгүй энэ нь импортын татвараас чөлөөлөгдөх боломжийг “Lincoln” брэндэд олгох ажээ. Мөн “General Motors”-ийн “Cadillac”, “BMW”, “Audi” брэндийн автомашинуудтай өрсөлдөх нөхцөлийг бүрдүүлнэ гэж “Bloomberg Intelligence”-ийн шинжээчид үзэж байна. “Lincoln”-ийн хувьд БНХАУ дахь түнш “Changan”-тай хамтран 2019 оны эцсээр SUV ангиллын автомашин үйлдвэрлэхээр төлөвлөж байгаа юм.

Б.Ариунболд

Холбоо барих: ariunbold.b@bloombergtvmongolia.com

minjma.g@bloombergtvmongolia.com