Германы автомашин үйлдвэрлэгч “Аudi” компани 2025 он гэхэд цэнэг хураагуур, устөрөгчийн түлшээр ажилладаг 800 мянга гаруй автомашин зах зээлд нийлүүлэхээр төлөвлөж байна. Ингэснээр бизнесээ эргүүлэн хөл дээр нь босгож, цахилгаан автомашин үйлдвэрлэгч “Tesla”-тай өрсөлдөх боломжтой болно гэж тус компани үзжээ. “Audi” компани өнгөрсөн онд хагас цахилгаан хөдөлгүүртэй 16 мянган автомашин борлуулсан байна. Тус компани энэ наймдугаар сард анхны бүрэн хэмжээний цахилгаан автомашинаа танилцуулахаар болжээ. Үүний зэрэгцээ Германы хууль хэрэгжүүлэгч байгууллага “Audi компани программ хангамжаа шинэчлэх хэрэгтэй" гэсэн шаардлага хүргүүлсэн байна. Улмаар тус компани зах зээлд нийлүүлсэн “А6”, “А7” загварын автомашинуудынхаа программ хангамжийг шинэчлэхээр болж, энэ загварын автомашинуудын нийлүүлэлтийг зогсоогжээ.

Н.Номин-Эрдэнэ

Холбоо барих: nominerdene.n@bloombergtvmongolia.com

uyanga.m@Bloombergtvmongolia.Com