Монгол дахь Америкийн худалдааны танхимаас Ерөнхий сайдад хандан цар тахлын хөл хорионы үед бизнест дэмжлэг үзүүлэх бодлогын зөвлөмж хүргүүллээ. Өнөөг хүртэл Монгол Улсын Засгийн газар цар тахал тархахаас сэргийлж шуурхай шийдвэр гаргаж ажилласан ч дотоодод халдвар илэрснээр эдийн засгийн нөхцөл эрчимтэй дордож байгааг дурдсан байна.

Үүнтэй холбоотойгоор яаралтай арга хэмжээ авахгүй бол асар хүнд хохирол хүлээхээр байгааг санууллаа.

Бизнес эрхлэгчдийг хамгаалах бодлогын зөвлөмжид:

- Аж ахуйн нэгжийн орлогын албан татвар, НӨАТ-ын төлөлтийг зургаан сараар хойшлуулах

- Согтууруулах ундаа, тамхи зэрэг онцгой бүтээгдэхүүнээс бусад бүтээгдэхүүний импортын татварыг ирэх оны тавдугаар сар хүртэл тэглэх

- Эрчим хүчний төлбөр зэрэг тогтмол зардлыг хөнгөлөх

- Гадаад валютаар зээл авсан аж ахуйн нэгжид санхүүгийн дэмжлэг үзүүлэх

- Хөрөнгө оруулалтын хуулийн хэрэгжилтийг хангах

- Олон улсын байгууллагаас "COVID-19"-ийн халдварын эсрэг тэмцэх зорилгоор авсан зээл, тусламжийн зарцуулалтыг ил тод мэдээлэх

Ажлын байрыг хамгаалахын тулд ирэх зургаан сарын хугацаанд эрүүл мэнд, нийгмийн даатгалын шимтгэл төлөлтөөс чөлөөлөх зэрэг гол агуулгууд багтсан байна.

Б.Дашням | @Dashnyam_tsahir

Холбоо барих: dashnyam.b@bloombergtvmongolia.com

minjma.g@bloombergtvmongolia.com