“Google”-ийн “Deepmind” нэгжийн боловсруулсан “AlphaGo” програм “Го” даамны мэргэжлийн тоглогч, БНСУ-ын иргэн Ли Седолийг ялсан байна. Энэхүү тоглолт нь ирэх мягмар гараг хүртэл үргэлжлэх таван цуврал тоглолтын эхнийх нь байлаа. Хэрэв Ли Седоль дараа дараагийн тоглолтуудад давамгай байж чадвал нэг сая ам.долларын шагнал хүртэх боломжтой болох юм. Гэхдээ хэн нь ялахаас үл хамааран энэ удаагийн “AlphaGo” програмын хожил нь хиймэл оюун ухааны хөгжлийн нэг илэрхийлэл боллоо гэж ажиглагчид үзэж байна. “Го” даамны мэргэжлийн тоглогч, дэлхийн 18 удаагийн аварга Ли Седолийн хувьд программын тоглолтын арга барил үнэхээр төгс байсан нь түүнийг гайхшруулсан гэдгийг онцолжээ. Дараагийн тоглолтууд гуравдугаар сарын 10, 12, 13 болон 15-нд Хятадын уламжлалт дүрмээр болно. Сонирхуулахад "Го" даам нь хоёр тоглогчид зориулсан стратегийн хөлөгт тоглоом юм.

Э.Эрдэнэтуяа

Холбоо барих: erdenetuya.e@bloombergtvmongolia.com

minjma.g@bloombergtvmongolia.com