“Alibaba Group” Хонгконгт арилжих хувьцааныхаа захиалгыг хөрөнгө оруулагчдаас авч эхэллээ.

Нью-Йоркийн Хөрөнгийн биржид бүртгэлтэй тус компани Хонгконгт гаргах IPO-оороо 11 тэрбум ам.долларын хөрөнгө босгоно гэж таамаглаж байна. Нью-Йоркийн Хөрөнгийн биржийн хаалтын ханшаар тооцоход ийм дүн гарч байгаа аж. Энэхүү дүн Хонгконгийн Хөрөнгийн биржийн хувьд 2010 оноос хойших хамгийн том IPO болох магадлалтай байна. Азийн хамгийн том корпорац болох “Alibaba” нь хөрөнгө оруулагчдад 500 сая ширхэг хувьцаа санал болгож байгаа ажээ. Ирэх лхагва гарагт багтаж хувьцааны үнээ эцэслэн тогтоохоор төлөвлөсөн байна. Улмаар энэ сарын 26-наас Хонгконгт хувьцаагаа арилжиж эхлэхээр товлоод байгаа юм.

Н.Номин-Эрдэнэ | @Nominerdene_NDN

Холбоо барих: nominerdene.n@bloombergtvmongolia.com

minjma.g@bloombergtvmongolia.com