Налайхын уурхайд хийсэн шалгалтын дүнг ирэх дөрөвдүгээр сарын 1-нд танилцуулна гэж Уул уурхайн яамнаас мэдээллээ. Одоогийн байдлаар 186 амны үйл ажиллагааг зогсоосон боловч нүүрс олборлох гэж оролдсон 20 гаруй зөрчил гарч, нэг хүний амь эрсэджээ.Түүнчлэн Ашигт малтмалын газраас бичил уурхайн зориулалтаар 10 аймгийн 859.6 га газрыг хамарсан 54 талбайг орон нутгийн тусгай хэрэгцээнд авах боломжтой гэсэн дүгнэлт гаргасан. Харин Үндэсний статистикийн хорооны мэдээлснээр иргэд 20 аймгийн 78 сум, нэг дүүргийн 214 газарт бичил уурхай эрхэлж байгаа аж. Судалгааны дүнгээр 70 мянга орчим иргэн бичил уурхай дагаж амьжиргаагаа залгуулдаг байна.