Их Британид “коронавирус”-ийн шинэ төрлийн мутац илэрсэн талаарх мэдээлэл гарч, долоон долоо хоног дараалан өсөөд байсан газрын тосны үнэ буурч эхэллээ. Их Британид халдварын тархалт эрчимжиж, хэд хэдэн бүсэд хөл хориог чангатгасан байна.

Вакцин бүтээх ажил амжилттай явагдаж, нийлүүлэлт эхэлсэн нь газрын тосны эрэлтийн төлөвт эергээр нөлөөлж, аравдугаар сараас хойш газрын тосны үнэ 35 хувиар өсөөд байгаа юм. Харин богино хугацаандаа халдварын дэгдэлт газар авч байгаа нь шатахууны хэрэглээ буурахад нөлөөлж байгаа гэж “CMC Markets”-ийн шинжээч онцолжээ.

Даваа гарагийн өглөөний байдлаар брент төрлийн газрын тосны үнэ 1.76 хувиар буурч, баррель нь 51.34 ам.доллар болсон байна. Харин WTI-ийн хувьд үнэ нь 1.93 хувиар буурч баррель нь 48.15 ам.доллар байна.

Б.Батцэцэг

Холбоо барих: battsetseg.b@bloombergtvmongolia.com

minjma.g@bloombergtvmongolia.com