"Siemens AG" тэргүүтэй компаниуд одоогийн салхин турбины хүчин чадлаа хоёр дахин нэмэгдүүлэхэд анхааран ажиллаж байна. Сүүлийн үед далайн салхин турбины хэмжээ томорч, бүтээмж нь улам нэмэгдсээр байгаа юм. Эдгээр төхөөрөмжүүд 2025 он гэхэд зах зээлд бүрэн нэвтэрнэ гэж шинжээчид таамаглаж байна. Салхин турбины хөгжүүлэлтийн чиглэлээр үйл ажиллагаа явуулдаг Герман болон Данийн компаниуд 2025 он гэхэд далайн салхин турбины үйлдвэрлэсэн эрчим хүчийг зах зээлийн үнээр нийлүүлэхэд анхаарч эхэлжээ. Ердөө гурван жилийн өмнө энэхүү технологи нь цөмийн реактор болон газарт суурилуулсан турбинаас илүү өндөр үнэтэй байсан аж. "Energie Baden", "Dong Energy" зэрэг хөгжүүлэгчид салхин турбины хэмжээ одоогийнхоос 3-4 дахин том болохоос гадна эрчим хүч үйлдвэрлэх зардлыг их хэмжээгээр бууруулна гэж үзэж байна.15 мегаваттын салхин турбин гурван мегаваттын таван төхөөрөмжөөс илүү хямд зардлаар эрчим хүч үйлдвэрлэх боломжтой байдаг ажээ.

Б.Ариунболд

Холбоо барих: ariunbold.b@bloombergtvmongolia.com

minjma.g@bloombergtvmongolia.com