Нобелийн шагнал гардуулах ёслол Норвегийн нийслэл Осло хотод үргэлжилж байна. 2017 оны Нобелийн Энхтайвны шагналыг "Цөмийн зэвсгийг устгах олон улсын аян" нэртэй байгууллага хүртсэн юм. Нобелийн шагналтнуудыг өнгөрсөн 10 дугаар сард тодруулсан. "Цөмийн зэвсгийг устгах олон улсын аян" байгууллагад цөмийн зэвсгийг хорогдуулах олон улсын гэрээг хэрэгжүүлэхэд оруулсан хувь нэмрийг нь үнэлэн шагнал олгосон юм. Шагналыг тус байгууллагын гүйцэтгэх захирал Битрэс Фин болон Хирошимагийн бөмбөгдөлтөөс амьд үлдсэн Сецуко Турлов нар гардан авсан байна. Швейцарын Женев хотод төвтэй энэхүү байгууллага нь 2007 онд байгуулагдсан бөгөөд одоогоор 101 улсын 468 төрийн болон төрийн бус байгууллагатай хамтран ажилладаг байна.

П.Эрдэнэням

Холбоо барих: Erdenenyam.p@bloombergtvmongolia.com

Tsatsralt.b@bloombergtvmongolia.com