Монгол Улсын Засгийн газраас Монголбанктай хамтран хэрэгжүүлж байгаа "Орон сууцны ипотекийн санхүүжилтийн тогтвортой тогтолцоог бий болгох" хөтөлбөрийг хэрэгжүүлж эхэлснээс хойших хугацаанд орон сууц шинээр худалдан авахыг хүссэн иргэдээс 897.1 тэрбум төгрөгийн ипотекийн зээлийн өргөдөл банкуудад ирсэн байна. Үүнээс 14 мянга 346 иргэнд 821.8 тэрбум төгрөгийн орон сууцны ипотекийн зээл шинээр олгохоор шийдвэрлэжээ. Энэхүү хөтөлбөр хэрэгжихээс өмнө банкууд өөрийн эх үүсвэрээс 980 тэрбум төгрөгийн зээлийг 32 мянган иргэнд олгосон байна. 2013 оны нэгдүгээр сарын 27-ны өдрийн байдлаар өмнө нь орон сууцны ипотекийн зээл авсан зээлдэгчдээс 844.1 тэрбум төгрөгийн зээлийг найман хувийн хүүтэй зээлийн эх үүсвэрээр дахин санхүүжүүлэх хүсэлт банкуудад иржээ. Арилжааны банкууд  өнөөдрийн байдлаар 17 мянга 57 зээлдэгчийн хүсэлтийг бүрэн шийдвэрлэж, орон сууцны ипотекийн 482.4 тэрбум төгрөгийн ипотекийн зээлийг дахин санхүүжүүлж, найман хувийн хүүтэй ипотекийн зээл рүү шилжүүлсэн байна. Өнөөдрийн байдлаар жилийн найман хувийн хүүтэй орон сууцны зээлийн хөтөлбөрт нийт 31 мянга 400 гаруй иргэн хамрагджээ. 

Холбоо барих: minjma.g@bloombergtvmongolia.com