"“COVID-19” цар тахлын нөлөөгөөр Токиогийн Олимпын наадам хойшилсонтой холбоотой зардлын асуудлыг Япон улс дангаар хариуцна гэсэн тохиролцоо хийгээгүй" гэж Япон улсын Засгийн газрын хэрэг эрхлэх газрын дарга Ёшихидэ Суга мэдэгдлээ.

Өөрөөр хэлбэл Олон Улсын Олимпын Хороотой хамтран шийдэх асуудал гэж онцолсон байна. Олимпын наадам хойшилсноос үүдсэн нэмэлт зардал 2-6 тэрбум ам.доллар болно гэж Япон улс тооцоолж байгаа ажээ. “COVID-19” цар тахлын тархалтын улмаас 2020 оны Токиогийн Зуны Олимпын наадам нэг жилээр хойшлогдоод байгаа юм.

Н.Номин-Эрдэнэ | @Nominerdene_NDN

Холбоо барих: nominerdene.n@bloombergtvmongolia.com

minjma.g@bloombergtvmongolia.com