Юань сүүлийн 12 жилд байгаагүй сайн улирлаа үдэж, "Аюулгүй хөрөнгө оруулалт"-д тооцогдож эхэллээ. БНХАУ-ын валютын оншор ханш есдүгээр сарын 30-наар эцэслэн гурван сарын хугацаанд 3.8 хувиар өссөн байна.

Өмнө нь 2008 оны эхээр энэхүү валютын ханш дөрвөн хувиар өсөж байсан юм. Юань нэг улирлын дотор 3.8 хувиар чангарсан нь "Их-10"-ын валютууд дундаа өсөлтөөрөө тэргүүлсэн үзүүлэлт бөгөөд "Аюулгүй хөрөнгө оруулалт" статусыг эзэмшдэг швейцар франк, япон иенээс ч тогтвортой чангарсан байна.

Шинэ төрлийн “коронавирус”-ийн халдварыг хэрхэн тогтоон барьсан, үүнээс үүдсэн эдийн засгийн хүндрэлийг хэрхэн даван гарсан нь магтаал, хөрөнгө оруулалтыг аль алийг нь дагуулж, юанийг эрсдэлээс зайлсхийх сонирхолтой хөрөнгө оруулагчдын сонгох актив болгожээ. БНХАУ-ын Ардын банк валютын албан ханшаа тогтвортой барьж, хил давах валютын хэмжээг хязгаарладаг нь олон улсын хөрөнгийн менежерүүдийн хувьд таатай зохицуулалт биш ч эдгээр зохицуулалт нь юанийн ханш тогтвортой байх гол шалтгаан болсон юм.

Лхагва гарагт оффшор юанийн ханш нэг өдрийн дотор 0.8 хувиар өссөн нь сүүлийн гурван сард байгаагүй өндөр үзүүлэлт боллоо. Гадаад улс орнуудын эзэмшиж байгаа БНХАУ-ын Засгийн газрын өр энэ оны эхнээс наймдугаар сарын дуустал 22 хувиар өсөөд байгаа юм.

Г.Ану | @AnuHarchu

Холбоо барих: anu.g@bloombergtvmongolia.com

minjma.g@bloombergtvmongolia.com