Түүхий эдүүдийн үнэ эрчимтэй өсөж байгаатай холбоотойгоор түүхий эдийн үнийн дараагийн “суперцикл” эхлэх нь гэсэн хүлээлт үүсээд байна. Хэдий тийм боловч суурь үзүүлэлтүүдийг харахад 2000 оны эхэн үеийн БНХАУ-аас эхтэй огцом өсөлт давтагдахгүй гэж зарим шинжээчид үзэж байна.

Зэсийн үнэ бүх цаг үеийн дээд түвшинд хүрэхэд ойртоод байгаа аж. Үүний зэрэгцээ хөдөө аж ахуйн түүхий эдүүд, газрын тосны үнэ өсөж, цар тахлын өмнөх үеийн түвшинд очсон байна. Үүнд улс орнуудын эдийн засгаа дэмжих нэмэлт төсөв, хэрэгжүүлж буй мөнгөний бодлого нөлөөлж байна. Гэвч түүхий эдүүдийн зах зээлийн төлөв харилцан адилгүй байгаа аж. Тухайлбал: эрчим хүчний шилжилтэд чухал үүрэг гүйцэтгэх зэс болон бусад металлуудын эрэлт өсөж байгаа бол газрын тосны эрэлт буурах магадлалтай болоод байна.

“Зэсийн зах зээлийн төлөв эерэг байгаа ч газрын тосны хувьд эсрэгээрээ байна" гэдгийг “Bank of America”-ийн шинжээч онцолжээ. “BHP Group” болон “Rio Tinto” өнгөрсөн долоо хоногт нийтдээ 14 тэрбум ам.долларыг ногдол ашиг болгон тарааж байгаагаа зарласан байна. Энэхүү ашгийн ихэнх хувийг төмрийн хүдрээс бүрдүүлж байгаа аж.

Өөрөөр хэлбэл дараагийн “суперцикл”-ийг эхлүүлнэ гэж “Wall Street”-ийн банкнуудын найдлага тавьж байгаа зэс, никелиэс ялгаатай байна. Өнгөрсөн удаагийн “суперцикл”-ээр төмрийн хүдэр, нүүрс, газрын тосны үнэ голлон өссөн бол энэ удаа өөр дүр зураг ажиглагдаж байна.

Б.Батцэцэг

Холбоо барих: battsetseg.b@bloombergtvmongolia.com

minjma.g@bloombergtvmongolia.com