Нэгдүгээр сарын 21-ний өдрийн 11.00 цагийн байдлаар нийслэлд “коронавирус”-ийн 16 тохиолдол шинээр бүртгэгдэж, дотоодын халдварын тохиолдол 1082 боллоо. Үүнээс 15 нь өмнө нь батлагдсан тохиолдлуудын ойрын хавьтлын хүмүүс байгаа аж.

Баянгол дүүргийн 12 дугаар хорооны 19 дүгээр байрны оршин суугчдаас есөн тохиолдол илэрсэн байна. Нийслэлд бүртгэгдсэн нийт тохиолдлын 20 орчим хувь нь тус дүүрэгт бүртгэгдээд байна.

Харин нэг тохиолдол нь ХӨСҮТ-ийн ажилтан байна. Ингэснээр халдвар авсан эрүүл мэндийн ажилтны тоо 96 боллоо. Өнөөдрийн байдлаар улсын хэмжээнд “коронавирус”-ийн халдварын батлагдсан нийт тохиолдол 1584 болоод байна.

Үүнээс гадна хүн амын 60 хувийг дархлаажуулахад хоёр сая орчим хүн/тун вакцин шаардлагатай гэсэн урьдчилсан тооцоо гарчээ. Эрүүл мэндийн байгууллагын 12 мянга орчим ажилтан дархлаажуулах ажилд оролцох төлөвтэй байна.

Б.Энхжин

Холбоо барих: enkhjin.b@bloombergtvmongolia.com

minjma.g@bloombergtvmongolia.com