Аравдугаар сарын 14-ний өдөр ХӨСҮТ-ийн Вирус судлалын хоёр лаборатори, ЗӨСҮТ-ийн вирус судлалын лаборатори, Дархан-Уул, Сэлэнгэ аймгийн вирус судлалын салбар лабораторид нийт 812 сорьцод шинжилгээ хийхэд шинэ төрлийн “коронавирус” илрээгүйг Эрүүл мэндийн яам мэдээллээ.

Өнөөдрийн байдлаар Монгол Улсад батлагдсан “COVID-19”-ийн халдварын 320 тохиолдлоос 311 нь эдгэрч, ХӨСҮТ-өөс гараад байна. Эдгэрсэн хүмүүсээс 10 нь сувиллын хяналтад, дөрөв нь гэрийн ажиглалтад тусгаарлагдаж байгаа бол 297 хүний ажиглалт, хяналтын хугацаа дуусжээ.

Өнөөдрийн байдлаар ХӨСҮТ-д есөн хүн эмчлүүлж байгаагаас долоогийнх нь биеийн байдал хөнгөн, хоёр хүний биеийн байдал хүндэвтэр байгаа юм байна.

Холбоо барих: minjma.g@bloombergtvmongolia.com