Эрүүл мэндийн яамнаас өгсөн мэдээллээр гуравдугаар сарын гуравны өдрийн 11.00 цагийн байдлаар нийслэлд 32 хүнээс “коронавирус”-ийн халдвар илэрлээ. Ингэснээр нийслэлийн хэмжээнд халдварын батлагдсан тохиолдол 2187, улсын хэмжээнд батлагдсан нийт тохиолдол 3032 болоод байна.

Өнгөрсөн оны 12 дугаар сарын эцсээр “COVID-19”-ийн халдварын батлагдсан тохиолдол 1000 давж байв. Харин сүүлийн хоёр сарын хугацаанд “коронавирус”-ийн халдварын нийт тохиолдол 2000 гаруйгаар нэмэгдээд байгаа юм. Халдварын тархалт нийслэлд эрчимжиж байна гэж хэлж болохоор байна. Түүнчлэн хөл хорионы дэглэм сулраад байгаа энэ үед халдвар авсан эх уурхай нь тодорхойгүй тохиолдлууд сүүлийн өдрүүдэд бүртгэгдэж эхлээд байгаа аж.

Харин дархлаажуулалтын хувьд гуравдугаар сарын хоёрны өдрийн байдлаар “AstraZeneca”-ийн вакцинд 11 мянга 120 хүн хамрагдсан байна. Вакцин хийлгэсэн иргэдийг дархлаажуулалтын цахим бүртгэлд бүртгэж, нэгдсэн сан үүсгэх үйл ажиллагааг улсын хэмжээнд давхар хийж байгааг Эрүүл мэндийн яам тодотголоо.

Б.Энхжин

Холбоо барих: enkhjin.b@bloombergtvmongolia.com

minjma.g@bloombergtvmongolia.com