12 дугаар сарын 30-нд 13 мянга 597 хүнд шинжилгээ хийхэд 20 хүнд “коронавирус”-ийн халдвар илэрч, улсын хэмжээнд батлагдсан тохиолдлын тоо 1215 болсныг Эрүүл мэндийн яам мэдээллээ.

Баянзүрх дүүргийн Нэгдсэн эмнэлэгт гараад буй голомттой хамааралтай 16 хүнд халдвар илэрсэн байна. Тухайн голомтод 12 дугаар сарын 16-наас хойш нийт 260 тохиолдол бүртгэгдээд байна. Мөн Хавдар судлалын үндэсний төвийн өмнөх батлагдсан тохиолдлын хавьталд тооцогдсон эмнэлгийн хоёр ажилтанд халдвар илэрлээ.

Үүнээс гадна Франкфурт-Улаанбаатар чиглэлийн тусгай үүргийн нислэгээр ирсэн хоёр хүний гурав дахь удаагийн давтан шинжилгээгээр “коронавирус”-ийн халдвар илэрсэн байна. Харин бусад кластер голомтод халдвар нэмж бүртгэгдээгүй. Ингэснээр дотоодын халдварын тоо 736 болоод байна.

Б.Энхжин

Холбоо барих: enkhjin.b@bloombergtvmongolia.com

minjma.g@bloombergtvmongolia.com