Хоёрдугаар сарын 22-ны өдрийн 11.00 цагийн байдлаар 55 хүнээс “коронавирус”-ийн халдвар илэрч, улсын хэмжээнд батлагдсан нийт тохиолдол 2693 болсныг Эрүүл мэндийн яам мэдээллээ.

24 тохиолдол нь "Нэг хаалга-Нэг шинжилгээ"-ний явцад илэрсэн байна. Ингэснээр энэхүү ажлын хүрээнд 102 иргэнээс халдвар илрээд байгаа юм.

Үүнээс гадна Нийслэлийн онцгой комиссын орон зайн дүн шинжилгээний багийн тооцоолсноор зургаан дүүргийн 32 хороонд халдвар илрэх магадлал өндөр байгааг Нийслэлийн Засаг дарга мэдээллээ. Иймд халдварын идэвх өндөр эдгээр хэсгүүдэд дахин тандалт шинжилгээ хийх шаардлагатай гэж тодотгосон байна.

Б.Энхжин

Холбоо барих: enkhjin.b@bloombergtvmongolia.com

minjma.g@bloombergtvmongolia.com