Хоёрдугаар сарын 19-ний өдрийн 11.00 цагийн байдлаар 58 хүнээс “коронавирус”-ийн халдвар илэрч, улсын хэмжээнд нийт батлагдсан тохиолдол 2551 боллоо.

Шинээр батлагдсан тохиолдлуудын 10 нь "Нэг хаалга-Нэг шинжилгээ"-ний хүрээнд авсан сорьцоос илэрчээ. Энэхүү ажлын хүрээнд найм хоногт “коронавирус”-ийн халдварын 47 тохиолдол илрүүлээд байна.

Энэ баасан гарагт Чингэлтэй дүүргийн 23 мянга гаруй өрхийг шинжилгээнд хамруулна. Тус дүүрэгт халдварын 146 тохиолдол бүртгэгдээд байгаа нь нийслэлд батлагдсан халдварын нийт тохиолдлын 8.5 хувийг бүрдүүлж байна.

Үүнээс гадна цар тахал гарснаас хойш гадаадад буй Монгол Улсын 50 орчим иргэн “коронавирус”-ийн халдвар авснаа мэдэгдээд байгаа талаар Гадаад харилцааны яам мэдээллээ. Үүнээс 33 нь Элчин сайдын яамдын ажилтан байгаа аж.

Харин гадаад улсад амьдарч буй иргэдийн хувьд “коронавирус”-ийн халдвартай холбоотой шууд шалтгааны улмаас нас барсан гэсэн албан ёсны мэдээлэл байхгүй гэдгийг Гадаад харилцааны яам тодотголоо. Вакцинжуулалтын хувьд тухайн улсад гарсан төлөвлөгөөний дагуу хамрагдах юм байна.

Б.Энхжин

Холбоо барих: enkhjin.b@bloombergtvmongolia.com

minjma.g@bloombergtvmongolia.com