Хоёрдугаар сарын гуравны өдрийн 11.00 цагийн байдлаар нийслэлд 27 хүний сорьцод “коронавирус”-ийн халдвар илэрснийг Эрүүл мэндийн яам мэдээллээ.

Эдгээр нь бүгд өмнө нь батлагдсан тохиолдлын ойрын хавьтал байгаа аж. Нийслэлд нэгдүгээр сарын 11-ний өдрөөс буюу бүх нийтийн бэлэн байдлын зэргийг бууруулснаас хойш “COVID-19”-ийн дотоодын халдварын тохиолдол 408-аар нэмэгдэж, 1024 хүрээд байна.

Баянзүрх дүүрэгт халдварын тархалт өргөн хүрээг хамраад байна. “Коронавирус”-ийн халдвар тус дүүргийн бүх хороонд илэрсэн идэвхтэй голомт болоод байгаа юм. Нийслэлийн нийт батлагдсан тохиолдлын 50 гаруй хувь нь Баянзүрх дүүрэгт бүртгэгдсэн учир хэсэгчилсэн хөл хорио, тандалт шинжилгээний ажил сүүлийн өдрүүдэд тус дүүрэгт эрчимжиж байна.

Б.Энхжин

Холбоо барих: enkhjin.b@bloombergtvmongolia.com

minjma.g@bloombergtvmongolia.com