Дөрөвдүгээр сарын наймны өдрийн 11.00 цагийн байдлаар 554 хүнээс “коронавирус”-ийн халдвар илэрч, улсын хэмжээнд батлагдсан тохиолдол 12 мянга 780 боллоо.

Шинэ тохиолдлуудын 451 нь нийслэлд, 102 нь орон нутагт илэрчээ. Түүнчлэн сүүлийн 24 цагт нэг хүн эндсэн байна. Өнөөдрийн байдлаар “коронавирус”-ийн шалтгаант нас баралт 18 болж байна.

Дархлаажуулалтын хувьд дөрөвдүгээр сарын долоонд нийслэл болон 19 аймагт 59 мянга 692 иргэнд вакцин хийсэн байна. Ингэснээр улсын хэмжээнд нийт 529 мянга 911 хүн “коронавирус”-ийн эсрэг вакцинд хамрагдаад байна. Энэ нь нийт зорилтот бүлгийн 25 хувь болж байгаа юм.

Харин дөрөвдүгээр сарын еснөөс эхлэн вакцины хоёр дахь тунг хийж эхэлнэ гэдгийг Эрүүл мэндийн яам мэдээллээ. Өөрөөр хэлбэл хоёрдугаар сарын 23-нд “AstraZeneca”-ийн вакцины эхний тунгаа хийлгэсэн хүмүүс хамрагдаж эхэлнэ гэсэн үг юм байна. Тавдугаар сарын нэгний дотор нийслэлийн насанд хүрсэн бүх хүн амыг дархлаажуулахаар төлөвлөж байгааг Улсын онцгой комисс мэдээлсэн юм.

Б.Энхжин

Холбоо барих: enkhjin.b@bloombergtvmongolia.com

minjma.g@bloombergtvmongolia.com