БНХАУ-ын Төрийн тэргүүн Ши Жиньпин Их Британид хийх таван өдрийн айлчлалаа даваа гарагаас эхлүүллээ. Ши Жиньпинийн энэ удаагийн айлчлалыг Их Британийн Ерөнхий сайд Дэвид Камерон хоёр талын харилцааг шинэ түвшинд гаргах чухал үйл явдал хэмээн тодорхойлсон байна. Айлчлалын хүрээнд эрчим хүч, эрүүл мэнд, худалдаа, хөрөнгө оруулалтын салбарт томоохон хэлцлүүд хийгдэх хүлээлттэй байгаа аж. Түүнчлэн кибер аюулгүй байдал болон хүний эрхийн асуудлууд ч мөн анхаарлын төвд байна. Үүнээс өмнө 2005 онд БНХАУ-ын Ерөнхийлөгч асан Ху Жинтао Их Британид айлчилж байсан юм. Тухайн үед Төвдийг дэмжигчид болон хүний эрхийн төлөө тэмцэгчид эсэргүүцлээ илэрхийлэн жагсаж байжээ. Энэ удаад ч мөн “Amnesty International” тэргүүтэй хэд хэдэн байгууллагууд жагсаал зохион байгуулж магадгүй гэсэн мэдээлэл байгаа юм.

Э.Эрдэнэтуяа

Холбоо барих: erdenetuya.e@bloombergtvmongolia.com

minjma.g@bloombergtvmongolia.com