Долоодугаар сарын байдлаар нийт 57.3 мянган айлыг орон сууцжуулах 417 төсөл хэрэгжиж байгааг “Тэнхлэг зууч” компаниас мэдээллээ.

Үүнээс нийтийн орон сууц 96 хувийг эзэлж байгаа бол дөрвөн хувь нь амины орон сууц байна.

Шинэ орон сууцны нийлүүлэлтийг дүүргээр задлаад харвал Баянзүрх болон Хан-Уул дүүрэгт захиалга авч байгаа орон сууцны нийлүүлэлт өндөр байна.

Долоодугаар сарын байдлаар шинэ орон сууцны нэг ам метрийн дундаж үнэ 2.3 сая төгрөг болж, өмнөх сараас 1.7 хувиар өсжээ.

Орон сууцны дундаж үнийг дүүргээр нь задлаад харвал хамгийн их шинэ орон сууцны төсөл хэрэгжиж байгаа Баянзүрх дүүрэг болон Хан-Уул дүүрэгт нэг ам метрийн дундаж үнэ 2.2 саяас 3.1 сая төгрөг байна. Харин Сүхбаатар дүүрэгт 3.3 сая төгрөг бол алслагдсан дүүргүүдэд 1.4 сая төгрөгийн үнэтэй байгааг “Тэнхлэг зууч” мэдээллээ.

Э.Одончимэг

Холбоо барих: odonchimeg.e@bloombergtvmongolia.com

minjma.g@bloombergtvmongolia.com