Японы улстөрчид парламентаа тараахаар бэлтгэж эхэлсэн гэж ойрын эх сурвалж мэдээллээ. Ерөнхий сайд Шинзо Абэ эцсийн шийдвэрийг гаргах хэдий ч парламентийг тараах бэлтгэл эхэлсэн гэж эрх баригч Либерал ардчилсан нам мэдэгджээ. Харин Шинзо Абэ энэ талаар өмнө нь ямар нэгэн мэдэгдэл хийгээгүй гэж онцолсны зэрэгцээ засгийн газрыг тараах хугацааг эцэслэн шийдээгүй талаар мэдэгдсэн байна. Шинзо Абэгийн засгийн газар Японы эдийн засгийн ачааг улам нэмэгдүүлсэн гэж шинжээчид үздэг. Мөн тус улс худалдааны татвараа нэмсэний улмаас дэлхийн гурав дахь том эдийн засгийн үзүүлэлтүүд тааруу гарсаар байгаа юм. Тиймээс байдал илүү хүндрэхээс өмнө Японы эрх баригч нам сонгуулиа хугацаанаас нь өмнө явуулах хэрэгтэй гэж ажиглагчид дүгнэсэн байна.

О.Анударь

Холбоо барих: Anudari.o@bloombergtvmongolia.com

Tsatsralt.b@bloombergtvmongolia.com