“COVID-19 халдварт цар тахлын халдварын үеийн харилцан ажиллагаа, хариу арга хэмжээ” сэдэвт гамшгаас хамгаалах дадлага сургуулилт хоёр дахь өдрөө үргэлжилж байна.

Энэ хүрээнд пүрэв гарагийн 08.00-18.00 цагийн хооронд Чингэлтэй дүүрэгт хатуу хөл хорио тогтоож байна. Энэ хугацаанд Чингэлтэй дүүргийн нутаг дэвсгэрт иргэдийн болон авто замын хөдөлгөөнийг бүрэн хаалаа. Иймд нийтийн зорчигч тээврийн үйлчилгээний 15 чиглэлийн 174 тээврийн хэрэгслийг богино эргүүлэх, 20 чиглэлийн 220 тээврийн хэрэгслийг уртасгах буюу тойрч явуулах, долоон чиглэлийн 47 тээврийн хэрэгслийг зогсоох зохицуулалт хийжээ. Өндөржүүлсэн бэлэн байдал тогтоосноос хойших анхны том сургуулилтын үеэр хөл хөдөлгөөн хийсэн иргэдийг зөрчлийн хуулиар арга хэмжээ авна.

Түүнчлэн энэ өдөр Буянт-Ухаа спортын ордонд 300 ортой эмнэлэг, Эх, хүүхдийн эрүүл мэндийн төвд 100 ортой эмнэлэг, ОБЕГ-ын харьяа Давтан сургалт, сургалт сэргээн заслын төвд хээрийн эмнэлэг дэлгэх дадлага болох юм.

Холбоо барих: minjma.g@bloombergtvmongolia.com