Цахилгаан автомашины зах зээлд эзлэх хувь хурдацтай нэмэгдэж эхэллээ. Норвегт есдүгээр сард борлуулсан нийт автомашины 60 гаруй хувь нь цахилгаан автомашин байсныг Дэлхийн эдийн засгийн чуулган мэдээллээ.

Зургийг: Monnis

Харин Монгол Улсын хувьд 300 гаруй цахилгаан автомашин хөдөлгөөнд оролцож байгаа талаар Монголын автомашины дистрибьютерүүдийн холбоо ТББ мэдээлж байв. Эдгээрийн дийлэнх нь седан ангиллын “Nissan Leaf” загвар байгаа аж. “Моннис Mоторс” компани өнгөрсөн оны эцсээр “Nissan Leaf”-ийн шинэ загварыг Монголд танилцуулсан юм. Одоогоор албан ёсоор худалдаалж эхлээгүй ч автомашин худалдан авагчид ихээр сонирхож байгааг тус компани онцолж байна.

Монгол Улсад туулах чадвар сайтай SUV ангиллын автомашины эрэлт хамгийн өндөр байдаг. Харин седан ангиллын жижиг автомашин сонирхогчид, ялангуяа залуучууд цахилгаан автомашин ихээр сонирхож байгааг “Моннис Mоторс” мэдээллээ.

Харин SUV ангиллаас тансаг зэрэглэлийн загварууд хамгийн өндөр борлуулалттай байгааг “BMW” брэндийн албан ёсны дистрибьютер “Бавариа Моторс” компани мэдээлж байна. “BMW”-ийн “X7” загвар энэ онд хамгийн өндөр эрэлттэй байгааг тус компани онцолсон юм.

Б.Төгсбилиг | @TugsbiligB

Холбоо барих: tugsbilig.b@bloombergtvmongolia.com

minjma.g@bloombergtvmongolia.com