Хятадын тавдугаар сарын экспортын өсөлтийг жилийн өмнөх үетэй харьцуулсан дүн дөрөвдүгээр сарын үзүүлэлтээс хоёр дахин удааширч магадгүй гэж мэргэжилтнүүд тооцоолжээ. Тодруулбал, Блумбергийн 34 эдийн засагчийн тооцооны дунджаар тавдугаар сард Хятадын экспортын өсөлт 2012 оны мөн үеэс 7.1 хувиар өссөн байхаар байна. Энэ нь 14.7 хувьтай байсан дөрөвдүгээр сарын харьцуулсан дүнгээс хоёр дахин бага хэмжээ болж байгаа юм. Мөн Хятадын тавдугаар сарын импортын өсөлтийг ч 6.9 хувь хүртэл буурч магадгүй гэсэн тооцооллыг эдийн засагчид гаргажээ. Хэдийгээр тавдугаар сарын экспортын албан ёсны мэдээллийг хоёр хоногийн дараа Хятадын Гаалийн ерөнхий газраас мэдээллэх ч тус улсын экспортын өсөлт эрс удааширсан нь хуурамч мэдээлэл өгөх явдлыг таслан зогсоосонтой холбоотой аж. Ингэснээр Хятад улс бусдын итгэлийг хүлээхийн зэрэгцээ Ли Көцианы хувьд ч эдийн засгаа өсгөх, үйл ажиллагаагаа эрчимжүүлэх дохио болно гэж ажиглагчдын зүгээс үзэж байна. 

Ж.Нямгэрэл 

Холбоо барих: Nyamgerel.j@bloombergtvmongolia.com

Munkhjin.ts@bloombergtvmongolia.com