БНХАУ-ын Засгийн газраас төрийн эзэмшлийн компаниуд давамгайлдаг салбаруудад, хөрөнгө оруулалтыг татах 80 төслийг хувийн компаниудад санал болгохоор болсон байна. Энэ нь БНХАУ-ын Ерөнхий сайд Ли Көцианы хувийн салбарынхны эдийн засаг дахь оролцоог нэмэгдүүлэх зорилтын хүрээнд хийгдэж байгаа ажлуудын нэг гэж шинжээчид онцолжээ. Төслүүдэд төмөр зам, боомт, сэргээгдэх эрчим хүч, мэдээллийн технологи зэрэг багтаж байгаа юм. Үүнээс гадна хөрөнгө оруулалтад нээлттэй болгох дараагийн салбарууд нь газрын тос, байгалийн хий, олон нийтийн үйлчилгээ болон нисэх буудлын байгууламж зэрэг байх болно гэж БНХАУ-ын Засгийн газраас мэдээллээ. Харин эдгээр төслүүдийг нээлттэй тендерээс тодруулахаар болжээ. Гадаад хөрөнгө оруулагчдын хувьд тендерт дангаар эсвэл дотоодын компаниудтай нэгдэл байгуулах болон франчайзингийн хэлбэрээр оролцож болох юм байна. 

Д.Хаш-эрдэнэ 

Холбоо барих: khasherdene.d@bloombergtvmongolia.com 

minjma.g@bloombergtvmongolia.com