Нүүрсний импортыг зөвхөн зах зээлийн журмаар нь шийдвэрлэнэ гэж БНХАУ-аас Монгол Улсад суугаа Онц бөгөөд бүрэн эрхт Элчин сайд мэдэгджээ. БНХАУ-ын төрийн өмчит “Chalco” компани Монголын “Эрдэнэс Тавантолгой”-оос авах нүүрсний импортоо сэргээснээс гадна, тус улсын хувьд Австрали улстай хийх эрдсийн бүтээгдэхүүний худалдаагаа өргөтгөх сонирхолтой байгаа аж. Зах зээлийн зарчим гэдэгт үнэ, чанар, тогтвортой ханган нийлүүлэх чадвар гэсэн гурван шалгуурыг хамруулан ойлгож байгаа бөгөөд Монгол Улсын хувьд гуравдахь шалгуурт сайн үнэлгээ авч чадаагүй байна. Гэхдээ Хятад улс бүх тал дээр хамтын ажиллагаагаа гүнзгийрүүлэх хүсэлтэй байгаагаа илэрхийлээд байгаа юм. Тэр дундаа урт хугацааны, тогтвортой, харилцан ашигтай хамтын ажиллагааг бий болгоход анхаарна гэдгийг тус улсаас Элчин сайд Ван Шаолун онцолж байлаа. Харин дэлхийн нүүрсний хамгийн том олборлогч Австрали улсын хувьд нүүрсний нийлүүлэлт тогтвортой байдгаас гадна үнэ нь дэлхийн зах зээл дээр өрсөлдөх чадвар сайтай гэж үнэлж байсан юм. 

Б.Дуламхорлоо 

Холбоо барих: dulamkhorloo.b@bloombergtvmongolia.com