Хонгконгийн захирагчийг Бээжингээс томилдог байдлыг эсэргүүцэгчид жагсаал зохион байгуулж байна. Албан бус байдлаар 510 мянга орчим хүн оролцож байгаа энэ жагсаал нь Хонгконгийн сүүлийн 10 жилийн түүхэн дэх хамгийн том жагсаал болж байгаа юм. Хонгконгийн иргэд 2017 оны захирагчийн сонгуульд Хятадаас үзүүлэх нөлөөг эсэргүүцсэн албан бус санал хураалт зохион байгуулсан. Тус санал хураалтад нийт 800 мянга гаруй хүн гарын үсэг зурсны дараа уг жагсаал эхэлсэн байна. Эсэргүүцэгчдийн ихэнх нь залуу иргэд байгаа бөгөөд хөдөлгөөнийг тараахын тулд албаныхан бороохой, шүршигч болон нулимс асгаруулагчийн алийг нь ч хэрэглээгүй гэж мэдэгджээ. Харин Хонгконгийн захирагч Линг Чун-Инг жагсаал болохоос өмнө, Их Британийн колониос чөлөөлөгдсөний 17 жилийн ойд зориулсан ёслолын үеэр цугларсан хүмүүст хандан, Хонгконгийн нэр хүнд, тогтвортой байдлыг үгүй хийх зүйл хийж болохгүйг анхааруулжээ.

Н.Алтан 

Холбоо барих: Altan.n@bloombergtvmongolia.com 

Tsatsralt.b@bloombergtvmongolia.com