Хонгконгийн захирагч Керри Лам эдийн засгаа дэмжих шинэ арга хэмжээ авахаа мэдэгдлээ. Тэрбээр ямар арга хэмжээ авахаа нарийн тодорхой мэдээлээгүй ч зорилтот арга хэмжээнүүд байх болно хэмээн онцолсон байна.

Эсэргүүцлийн жагсаал хөдөлгөөний уршгаар Хонгконгийн жижиглэн худалдаа аравдугаар сард 24.3 хувиар буюу өмнө нь байгаагүйгээр огцом буурчээ. Түүнчлэн төсвийн тэнцэл 2000 оны эхэн үеэс хойш анх удаа алдагдалтай гарах магадлалтай гэж Хонгконгийн Сангийн сайд мэдэгдсэн байна. Энэ онд жагсаалын нөлөөгөөр эдийн засгийн өсөлтийг хоёр нэгж хувиар сааруулжээ. Жагсаал үргэлжлэхийн зэрэгцээ Хонгконгийг зорих гадаад иргэдийн тоо аравдугаар сард 44 хувиар буурсан байна.

Н.Номин-Эрдэнэ | @Nominerdene_NDN

Холбоо барих: nominerdene.n@bloombergtvmongolia.com

minjma.g@bloombergtvmongolia.com