Холбооны Нөөцийн банк бодлогын хүүгээ зургадугаар сард нэмж магадгүй байна. Учир нь тус банкны Сан Франциско дахь салбарын Ерөнхийлөгч Жон Уильямс үүнийг хамгийн оновчтой таамаглал гэж мэдэгджээ. АНУ бодлогын хүүгээ 2008 оны 12 дугаар сараас хойш түүхэн доод түвшинд нь хадгалсаар ирсэн ч Холбооны Нөөцийн банкны бодлогын зөвлөлийн 17 гишүүний 15 нь бодлогын хүүг 2015 онд нэмнэ гэсэн хүлээлттэй байгаагаа илэрхийлээд байгаа юм. Үүний зэрэгцээ АНУ-ын хөдөлмөрийн зах зээл сэргэж, эдийн засгийн үзүүлэлтүүд сайжирсаар байгаа нь бодлого тодорхойлогчдод хүүгээ нэмэх боломжийг олгоод байна. Гэхдээ цаашид цалингийн өсөлт хангалттай хэмжээнд хүрэхгүй, инфляци буурсан хэвээр байвал боломжит хугацаа хойшилж магадгүй гэж шинжээчид таамаглаж байгаа аж. 12 дугаар сарын байдлаар АНУ-ын инфляци 1.32 хувь байсан бол дундаж цалин 0.2 хувийн бууралттай гарсан байна.

Э.Эрдэнэтуяа

Холбоо барих: erdenetuya.e@bloombergtvmongolia.com

minjma.g@bloombergtvmongolia.com