Гэр хорооллын айл өрхүүд хогны хураамжинд сард 2500 төгрөг харин орон сууцны иргэд 2000 төгрөгийн хураамж төлдөг байна. Өөрөөр хэлбэл нийлслэлчүүд хогны хураамжид жилд найман тэрбум төгрөг төлдөг ба үүнээс зургаан тэрбум нь нийслэлийн төсөвт төвлөрдөг гэж Улаанбаатар хотын Захирагчийн ажлын албанаас мэдээллээ. Харин төсөвт төвлөрсөн хөрөнгийг хог хаягдал хийх зориулалтын уут үйлдвэрлэхэд зарцуулж байгаа юм. Тодруулбал нэг өрхөд сард 15 ширхэг хогны уут олгохоор тооцож, Улаанбаатар хотын айл өрхүүдэд энэ сараас эхлэн зориулалтын уут тарааж эхэлжээ. Түүнчлэн айл өрхүүдэд тараах зориулалтын хогны уут үйлдвэрлэхэд жилд гурван тэрбум төгрөг зарцуулах тооцоо гарсан байна. Тухайлбал орон сууцны 127 мянга гаруй өрхөд зориулж, 13 сая уут үйлдвэрлэх бөгөөд үүнд нийт нэг тэрбум 273 сая төгрөг зарцуулна. Мөн гэр хорооллын 189 мянга гаруй өрхөд зориулж 19 сая уут үйлдвэрлэхэд нэг тэрбум 890 сая төгрөгийг зориулах аж. Харин үлдсэн хөрөнгө нь хог хаягдлыг хогийн төвлөрсөн цэгт тээвэрлэх үйл ажиллагаанд зарцуулагддаг байна.

Холбоо барих: Tsatsralt.b@bloombergtvmongolia.com