Хөдөө аж ахуйн гаралтай бараа, түүхий эдийн бирж үйл ажиллагаа явуулж эхэлснээс хойшхи 22 дахь долоо хоногийн арилжаагаар нийт дөрвөн захиалга ирж, хоёр хэлцэл хийгдсэн байна. Мөн 23.3 тонн ноолуурыг 1.9 тэрбум төгрөгөөр арилжаалжээ. Долоо хоногийн арилжаагаар зөвхөн ямааны ноолуур арилжаалснаас ангилаагүй ноолуурын богц тус бүрийн үнэ 830 мянган төгрөг байсан байна. Мөн цайвар ноолуурын богц бүрийн үнэ 820 мянган төгрөгийн ханштай байжээ. Харин 22 дахь долоо хоногийн арилжааны үеэр ангилаагүй ноолуурын ханш 830 мянган төгрөгт хүрсэн нь биржийн арилжаа эхэлснээс хойшхи ангилаагүй ноолуурын хамгийн өндөр ханш болсон байна. Хөдөө аж ахуйн биржийн арилжааны дийлэнхийг ноолуур бүрдүүлж байгаа бол өнгөрсөн зургадугаар сараас шинээр арилжаалж эхэлсэн хонины ноос болон тэмээний ноос бага хувийг бүрдүүлж байгаа юм. Хөдөө аж ахуйн биржийн арилжааг ирэх жилийн эхнээс албан ёсоор явуулж, улаан буудайн арилжааг туршилтаар эхлүүлэхээр төлөвлөөд байна.

Холбоо барих: minjma.g@bloombergtvmongolia.com