Францын хамгийн том банк “BNP Paribas”-гийн хоёрдугаар улирлын ашиг 4.7 хувиар буурсан байна. Энэ нь Европын эдийн засгийн хямралаас үүдэж зээлийн эрсдлийн санг нэмэгдүүлсэнтэй холбоотой гэж шинжээчид үзэж байгаа юм. Парист төвтэй тус банкны ашиг хоёрдугаар улиралд 1.76 тэрбум евро болж буурсны зэрэгцээ нийт орлого нь 1.8 хувиар буурч, 9.92 тэрбум евро болжээ. Харин өмнөх оны мөн үед ашиг нь 1.85 тэрбум евро байсан бөгөөд “BNP Paribas”-ийн зардал 0.7 хувиар буурсан байна. Түүнчлэн банкны хувьд Герман болон Азийн орнуудад үйл ажиллагаагаа өргөжүүлж байгаа ч Европын гол зах зээлүүд дэх эдийн засгийн уналт, өсөлтөд сөргөөр нөлөөлж байгаа юм. Энэ ч утгаараа “BNP Paribas” зээлийн эрсдлийн сангийн хөрөнгөө 30 хувиар нэмэгдүүлж, 1.1 тэрбум еврод хүргэжээ. Ямартай Францын хамгийн том банк Герман дахь салбарууддаа шинээр 500 хүн ажилд авахаар төлөвлөж байгаа аж. Ингэснээр Герман дахь нийт ажилтны тоо нь 4000-д хүрэх юм.

Э.Анхбаяр

Холбоо барих: Ankhbayar.e@bloombergtvmongolia.com

Tsatsralt.b@bloombergtvmongolia.com