Дэлхийн дулаарал болон уур амьсгалын өөрчлөлтөөс болж дэлхийн хамгийн том мөсөн арал болох Гринландын мөс хайлж, аюулын ирмэгт ирээд байна.

Учир нь энэ зун Европт зуны температур түүхэн дээд цэгтээ хүрч, 42-43 хэм хүрч халсан бөгөөд халуун агаар Гринландын мөсийг эрчимтэй хайлуулжээ. Мөн Европын судлаачид Гринландын мөсөн хучлага 2002 оноос хойш дөрвөн их наяд тонноор буурсан гэж үзэж байна.

Хэрэв Гринландын мөс тэр чигтээ хайлбал дэлхийн далайн түвшин долоон метрээр нэмэгдэнэ гэж тооцоолжээ. Энэ нь Английн баруун хэсэг болон Бангладеш, Флорида зэрэг нам дор газар нутагтай улс гүрнүүдэд аюултай гэдгийг анхааруулж байна.

Мөн Гринландын мөс хайлж байгаа нь Арктикийн мөс хайлах явцыг улам хурдасгах болно гэж үзэж байна.

Э.Төгөлдөр

Холбоо барих: tuguldur.e@bloombergtvmongolia.com

minjma.g@bloombergtvmongolia.com