Агаарын бохирдол өндөртэй нэг, хоёрдугаар бүсийн сургууль, цэцэрлэг, эмнэлгүүдэд 5600 гаруй агаар цэвэршүүлэгч тараах ажлыг энэ сарын 30-наас өмнө дуусгана гэж НЗДТГ-аас мэдээллээ. Одоогийн байдлаар нийт 1.8 тэрбум төгрөгийн үнэ бүхий 2000 ширхэг агаар цэвэршүүлэгчийг суурилуулаад байгаа аж. Энэ нь агаарын бохирдлыг бууруулах богино хугацааны бодлогын хүрээнд хэрэгжиж байна. Гадна орчны агаарын бохирдлыг бууруулахад хугацаа шаардах учраас Засгийн газраас эн тэргүүнд дотоод орчны бохирдлыг бууруулах, ялангуяа сургууль, цэцэрлэгийн анги танхим, эмнэлэгүүдэд агаар цэвэршүүлэгч суурилуулах зорилго тавьж, Засгийн газраас гурван тэрбум, нийслэлээс нэг тэрбум төгрөгийн санхүүжилт гаргахаар шийдвэрлээд байгаа юм. Өнгөрсөн онд 1300 орчим агаар цэвэршүүлэгч нийлүүлсэн байна. Хөтөлбөрийн дүнд бага насны хүүхдүүдийн өвчлөл 40 хувиар буурна гэж тооцоолжээ. Харин дунд болон урт хугацааны хөтөлбөрүүдийг хэрэгжүүлэх тохиромжтой аргыг гаднын туршлагуудаас үлгэрлэн хэрэгжүүлэхээр болсон байна. Хэдий тийм боловч олон улсын төслүүд мянга гаруй еврогоос эхлэх дүнтэй байгаа ажээ.

Ж.Жаргалмаа

Холбоо барих: jargalmaa.j@bloombergtvmongolia.com

minjma.g@bloombergtvmongolia.com