Улсын онцгой комисс баасан гарагт хуралдаж, улс даяар сургууль, цэцэрлэгийн үйл ажиллагааг III сарын 2-ныг хүртэл түр зогсоох шийдвэр гаргалаа.

Мөн эмнэлгийн тусламжийн бэлэн байдлыг хангаж, нөөц бүрдүүлэх үйл ажиллагааны зардлыг шийдвэрлэж, БНХАУ-тай хиллэдэг хилийн боомтуудын хөдөлгөөнийг хязгаарлах талаар Засгийн газраар хэлэлцүүлэхээр болжээ.

Эрүүл мэндийн сайд Д.Сарангэрэл

Мөн өчигдөр Давосын эдийн засгийн чуулганд оролцож байгаа Ерөнхийлөгч Х.Баттулга дэлхийн эрүүл мэндийн байгууллагын Ерөнхий захирал Тедрос Адханомтой уулзсан байна. Уулзалтын үеэр ДЭМБ-ын Ерөнхий захирал Монгол Улстай хил залгаа БНХАУ-д шинэ төрлийн коронавирусийн халдвар гарсан явдалд санаа зовж буйгаа илэрхийлсэн байна. Улмаар ДЭМБ-аас ноцтой аюултай гэж үзвэл хилийн боомтыг хаах заавар өгдөг ч одоогоор хил гаалийн хяналтаа сайжруулах хэрэгтэй гэж зөвлөсөн байна. БНХАУ-ын цагаан сарын баяр болж буйтай холбогдуулан дотооддоо болон гадаад руу чиглэсэн иргэдийн урсгал нэмэгддэг тул ДЭМБ-ын заавар зөвлөмжийг сайтар дагаж, эмнэлгийн бэлэн байдлыг хангах хэрэгтэй гэж сэрэмжлүүлжээ. БНХАУ-ын Үхань хотоос эхтэй коронавирусийн улмаас амиа алдсан хүний тоо 25, халдварласан хүний тоо 845-д хүрч нэмэгдээд байна

Б.Бямбасүрэн

Холбоо барих: byambasuren.b@bloombergtvmongolia.com

uyanga.m@bloombergtvmongolia.com