Монгол Улс нэгдэл хувьчлагдснаас хойш мал сүргийнхээ тоог анх удаа хоёр дахин өсгөсөн болохыг Төрийн тэргүүн мэдээлж байсан юм. Үндэсний Статистикийн Хорооны мэдээллээр 2014 онд Монгол Улсын мал сүргийн тоо 51.9 саяд хүрсэн байна. Мал сүргийн тоо 2013 оныхоос 15 хувиар нэмэгдэхэд Архангай, Төв, Хөвсгөл зэрэг 17 аймаг таван төрлөөр малаа өсгөсөн нь нөлөөлжээ. Төв аймаг 331 мянган толгой адуу тоолуулснаар улсад тэргүүлсэн бол Баянхонгор аймаг 2.1 сая ямаа, Өмнөговь аймаг 112.7 мянган тэмээ тоолуулжээ. Харин хамгийн их малтай Архангай аймгийн хувьд 502.6 мянган үхэр, 2.2 сая хонин сүргээр бусад аймгуудыг манлайлж байна. Нийт мал сүргийн бүтцийг авч үзвэл 87 хувийг нь бог мал бүрдүүлж байгаа аж. Харин сүргийн бүтцийг зохистой хэмжээнд хүргэхийн тулд үхрийн тоог хоёр саяар өсгөж, ямааг төдий хэмжээгээр цөөрүүлж, бусад малыг одоогийн түвшинд барих шаардлагатай байгааг Хүнс, Хөдөө Аж Ахуйн яам мэдээллээ. Үндэсний Статистикийн Хорооны мэдээлснээр өнгөрсөн онд Монгол Улс 349.3 мянган толгой үхэртэй байсан нь бусад төрөлтэй харьцуулахад хамгийн цөөн нь байна. Харин хониноос гурав дахин их бэлчээр талхалдаг ямаан сүргийн тоо 22 саяар хэмжигдэж байгаа ажээ.

Э.Нарантунгалаг

Холбоо барих: narantungalag.e@bloombergtvmongolia.com

minjma.g@bloombergtvmongolia.com