Улаанбаатар хотын гэр хорооллыг хөгжүүлэх хөтөлбөр есөн жилийн хугацаанд гурван үе шаттайгаар хэрэгжиж байна.

Төслийн нийт дүн 320 сая ам.доллар байхаас 163.7 сая ам.долларын хөрөнгө оруулалтыг Азийн хөгжлийн банкны хөнгөлөлттэй зээлээр хэрэгжүүлж байгааг төсөл хэрэгжүүлэгч нэгж мэдээллээ.

Төсөл хэрэгжсэнээр гэр хорооллыг Улаанбаатар хотын эдийн засгийн хөгжилд нэгтгэх, агаарын бохирдол, хөрсний болон орчны бохирдлыг бууруулахад голлон нөлөөлнө гэж Азийн хөгжлийн банк үзэж байна. Энэхүү хөтөлбөрт Баянхошуу, Сэлбэ, Дамбадаржаа, Дэнжийн мянга, Шархад болон Толгойт гэсэн дэд төвүүд багтаж байна.

Төслийн эхний шатанд 106.14 сая ам долларын санхүүжилттэй Баянхошуу, Сэлбэ дэд төвийн ажлыг эхлүүлээд байна. Энэ хүрээнд газар чөлөөлөн авто замын сүлжээ болон үерийн хамгаалалтын суваг, бизнес инкубатор төв, мэдээлэл холбооны нэгдсэн үйлчилгээний төв зэрэг барилга байгууламж барьж байна.

Мөн дэд төвийг төвлөрсөн дулааны шугамд холбох ажил 63 хувьтай үргэлжилж байна. Барилга байгууламжуудыг төвлөрсөн шугам сүлжээнд холбосноор нэг жилд 10 мянга 240 тонн нүүрсний хэрэглээ буурна гэж төслийн нэгж тооцоолжээ.

Үүнээс гадна Баянхошуу дэд төвд 240 хүүхдийн багтаамжтай цэцэрлэг шинээр ашиглалтад орсон байна. Харин Сэлбэ дэд төвд барьж буй цэцэрлэгийн барилгын ажлын явц 52 хувьтай байна.

Гэр хорооллыг хөгжүүлэх хөрөнгө оруулалтыг дэмжих хөтөлбөрийн Хяналт, шинжилгээ, үнэлгээний мэргэжилтэн Н.Болороо

Улаанбаатар хотын гэр хорооллыг дэд бүтэц бий болгосноор олон асуудлыг шийдэх боломжтой гэж Азийн хөгжлийн банк онцолсон юм. Эдгээрээс гадна хөтөлбөрийн хүрээнд орлогод нийцсэн ногоон орон сууцны төсөл боловсруулаад байна. Энэ хүрээнд бүх давхаргын хүн амд хямд орон сууц худалдан авах боломж олгож 10 мянган өрхийн орон сууц барихаар зураг төсөл боловсруулжээ. Гэр хорооллын 100 га газрыг эко хороолол болгон дахин хөгжүүлнэ. Энэхүү эко хорооллыг мөн дэд төвүүдэд хөгжүүлэх боломжтой юм байна.

АХБ-ны Суурин төлөөлөгчийн газрын хот байгуулалтын салбарын тэргүүлэх мэргэжилтэн Арно Хекманн

Э.Одончимэг

Холбоо барих: odonchimeg.e@bloombergtvmongolia.com

minjma.g@bloombergtvmongolia.com